AI 讀唔讀得到你間公司？

打低你個網址，我哋幫你查一次。效能同技術分用 Google PageSpeed Insights， 再加八項專睇「AI 讀唔讀到」嘅檢查。

免費、唔使登記、唔使留電郵。查完你想點就點，唔查我哋都唔會識得你。

呢個檢查係咪免費？要唔要登記？

免費，唔使登記，唔使留電郵。輸入網址、撳掣、睇結果，就係咁多。我哋亦唔會記低你查過咩網址。

啲分數邊度嚟？

效能、SEO、無障礙、最佳做法呢四個分，直接嚟自 Google PageSpeed Insights，即係 pagespeed.web.dev 嗰支工具。你自己攞同一條網址去嗰度跑，會見到同一組數。我哋唔會自己計一套分。

咁「AI 讀唔讀得到」嗰八項呢？

嗰八項係我哋自己查嘅，PageSpeed 唔會查。包括：有冇結構化資料（用機器讀得明嘅格式寫低你間公司資料）、robots.txt 有冇擋走 AI 爬蟲、原始 HTML 有冇足夠文字（好多網站要行完 JavaScript 先見到字，AI 爬蟲唔會等）、有冇主標題、有冇頁面描述、頁面上有冇營業資料、有冇 AI 引導指南、有冇用 HTTPS。

點解要等咁耐？

因為 Google 要真係用一部模擬手機載入你個網站一次，先計得到效能分。二十幾秒係正常，唔係壞咗。

全部執好晒，AI 就會推薦我？

唔會，亦冇人可以咁承諾。呢個檢查量度嘅係「讀唔讀得到」，唔係「會唔會被引用」。讀得到係前提，唔係保證。任何人同你講「做咗就一定被 AI 推薦」，嗰個係吹水。

我間鋪冇網站，得個 IG，可以點？

IG 對 AI 嚟講好難讀：內容主要係圖同影片，而且要登入。最實際係喺一個公開、AI 讀得到嘅網站開一版你嘅正式商戶資料，再喺嗰版指返你個 IG。排行易免費上榜就係咁一版。